अपराजित रहँदै नेपाल फाइनलमा

लिग चरणका सम्पूर्ण खेल जित्दै नेपाल बंगलादेशमा जारी एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको फाइनल प्रवेश गरेको छ।

नेपाल समय | बुधबार, कात्तिक २७, २०७६

नेपाल समय

बुधबार, कात्तिक २७, २०७६

काठमाडौं - लिग चरणका सम्पूर्ण खेल जित्दै नेपाल बंगलादेशमा जारी एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको फाइनल प्रवेश गरेको छ।

लिग चरणको अन्तिम खेलमा बुधबार माल्दिभ्सलाई ३-० को सोझो सेटमा पराजित गर्दै नेपाल शतप्रतिशत जितसहित शीर्ष स्थानमा रहेर फाइनल पुगेको हो। माल्दिभ्स पनि लिगको दोस्रो स्थानमा रहँदै फाइनल पुगेको छ। नेपालले माल्दिभ्सलाई २५-१४, २५-६ र २५-१३ को सेटमा पराजित गर्‍यो।

यससँगै शिर्ष दुईमा रहेका नेपाल र माल्दिभ्सले नै पुन: उपाधिका लागि भिड्नेछन्।

यसअघि नेपालले अफगानिस्तान, कीर्गिस्तान र बंगलादेशलाई पनि सोझो सेटमै पराजित गरेको थियो। नेपाल एक खेल अघि नै मंगलबार फाइनल प्रवेश गरिसकेको थियो।

प्रकाशित: Nov 13, 2019| 08:15 बुधबार, कात्तिक २७, २०७६