मेयर कप टेबल टेनिस : वडा ७ र १९ फाइनलमा

दोस्रो मेयर कप टेबल टेनिस च्याम्पियनसिपमा टिम इभेन्टतर्फ वडा नं ७ र १९ फाइनलमा पुगेका छन्।

नेपाल समय | सोमबार, कात्तिक २५, २०७६

नेपाल समय

सोमबार, कात्तिक २५, २०७६

ललितपुर- ललितपुरमा दोस्रो मेयर कप टेबल टेनिस च्याम्पियनसिपमा टिम इभेन्टतर्फ वडा नं ७ र १९ फाइनलमा पुगेका छन्।

यस्तै महिलातर्फ तृषा महर्जन (वडा नं. ७) र इभाना थापामगर (वडा नं.९) फाइनमा पुगेको आयोजकले जनाएको छ। यू १६ तर्फ वडा नं. ७ का रुबिन मजर्हन र ७ कै एलिना महर्जन फाइनलमा पुगेका छन्।

ललितपुर जिल्ला टेबल टेनिस संघ र ईटील्हान युथको संयुक्त आयोजनामा नागबहाल ललितपुरमा प्रतियोगिता भइरहेको छ। प्रतियोगितामा १२ समूहमा प्रतिस्पर्धा भइरहेको छ।

विजेताले रनिङ सिल्ड, सिल्ड मेडल र प्रमाणपत्र प्राप्त गर्नेछन्।

खेलहरू अन्तर्राष्ट्रिय टेबल टेनिस संघ र राष्ट्रिय टेबल टेनिस संघको नियमानुसार खेलाइएको आयोजकले जनाएको छ। यसलाई ललितपुरमा हुने जिल्लास्तरीय खेलकुदमध्ये ठूलो प्रतियोगिता मानिएको छ ।

प्रतियोगिता कात्तिक ३० सम्म सञ्चालन हुनेछ।