पहिलो हाफमा नेपाल बंगलादेशसँग २-० ले पछि

काठमाडौं- तेस्रो संस्करणको महिला साफ यू-१५ च्याम्पियनसिपअन्तर्गत बंगलादेशसँगको खेलको पहिलो हाफमा नेपाल पछि परेको छ। भुटानको थिम्पुमा जारी खेलमा नेपाल बंगलादेशसँग पहिलो हाफमा २-० ले पछि परेको हो।
 
साविक विजेतासमेत रहेको बंगलादेशलाई पहिलो हाफमा अग्रता दिलाउन शहिदा अक्तेर रिपा र शम्सुन्नाहरले एक–एक गोल गरे। खेलको १२ औं मिनेटमा शहिदा अक्तेरले गोल गर्दै बंगलादेशलाई अग्रता दिलाएकी थिइन्। २५ औं मिनेटमा शम्सुन्नाहरले पेनाल्टीमा गोल गर्दै बंगलादेशलाई पहिलो हाफमा २-० को अग्रता दिलाइन्। पेनाल्टी क्षेत्रभित्र नपाली खेलाडीले फाउल गरेपछि पाएको पेनाल्टी अवसरलाई सदुपयोग गर्दै शम्सुन्नाहरले गोलमा परिणत गरेकी हुन्।

यता नेपालले भने कुनै गोलको अवसर सृजना गर्न सकेन।