ओमानलाई नेपालको झिनो लक्ष्य

काठमाडौं- ओमानमा जारी पाँच राष्ट्रबीचको टी-२० क्रिकेट शृंखलाअन्तर्गत आफ्नो अन्तिम खेलमा नेपालले आयोजक ओमानलाई जितका लागि ६५ रनको झिनो लक्ष्य सुम्पेको छ।

टस हारेर पहिले ब्याटिङको निम्तो पाएको नेपालले ११ ओभरमा सबै गुमाउँदै मात्र ६४ रन बनाउन सक्यो।  

खराव सुरुवात गरेको नेपालका लागि आरिफ सेख र दीपेन्द्र सिंह ऐरीले दोहोरो अंकमा रन बटुल्नुबाहेक अन्य ब्याट्सम्यानको प्रदर्शन सम्झनयोग्य रहेन। आरिफले १३ बलमा २ चौका र १ छक्का प्रहार गर्दै २० रन जोडे। त्यस्तै दीपेन्द्रले ६ बलमा २ चौका सहित ११ रन जोडे। इसान पाण्डे २, कप्तान पारस खड्का ५, विनोद भण्डारी ४, सोमपाल कामी ८, करन केसी ८, सन्दीप लामिछाने २ र अभिनाश बोहरा २ रनमा आउट हुँदा सुसान्त भारी ० रनमा अभिजित रहे। सन्दीप जोराले भने रन नै जोड्न सकेनन्।  

ओमानका लागि आमीर कालीमले सर्वाधिक ५ विकेट लिए । उनले ४ ओभर बलिङ गर्दै मात्र १५ रन खर्चेर ५ विकेट लिएका हुन्। त्यस्तै बिलल खानले दुई तथा मोहम्मद नादीम र खनवर खलीले एक-एक विकेट लिए।