रियल मड्रिड स्पेनिस ला लिगाको शिर्ष स्थानमा

एजेन्सी- रियल मड्रिड स्पेनिस ला लिगा फुटबलको शीर्ष स्थानमा उक्लिएको छ। 

बुधबार राति भएको खेलमा ओसासुनालाई २-० गोलले पराजित गर्दै रियल लिगको शीर्ष स्थानमा उक्लिएको हो। 

घरेलु मैदानमा रियललाई जित दिलाउन भेनीसीएस जुनियर र रोड्रीगोले एक एक गोल गरे। खेलको ३६ औं मिनेटमा जुनियरले गोल गर्दै रियललाई अग्रता दिलाएका थिए। 

यस गोलसँगै पहिलो हाफमा १-० को अग्रता बनाएको रियालले दोश्रो हाफमा थप एक गोल गर्यो। त्यसपछि ७२ औं मिनेटमा रोड्रीगोले गोल गर्दै रियललाई २-० को जित दिलाए।
 
जितसँगै शीर्ष स्थानमा उक्लिएको रियलले ६ खेलबाट १४ अंक जोडेको छ। समान खेल खेलेको ओसासुनाको ७ अंक रहेको छ। रियल एट्लेटिको मड्रिडलाई एक अंकले पछि पार्दै शीर्ष स्थानमा उक्लिएको हो।