आफ्नै मैदानमा पिएसजी पराजित

एजेन्सी- फ्रेन्च लिग वान फुटबल अन्तर्गत पेरिस सेन्ट जर्मेन (पिएसजी) घरेलु मैदानमा रिम्ससँग पराजित भएको छ। 

बुधबार राति भएको खेलमा पिएसजी रिम्ससँग २–० गोलले पराजित भएको हो। रिम्सलाई जित दिलाउन हसाने कामारा र बौलाए डियाले एक एक गोल गरे। 

खेलको २९ औं मिनेटमा कामाराको गोलबाट रिम्सले घरेलु टोलिविरुद्द अग्रता बनाएको थियो। पहिलो हाफमा १–० को अग्रता बनाएको रिम्सले दोश्रो हाफमा थप एक गोल गर्यो। खेलको इन्जुरी समयमा डियाले गोल गर्दै पिएसजीलाई २–० ले पराजित गरे। 

बल पोजिसनमा एकतर्फी पकड जमाएपनि पिएसजीले गोल गर्न सकेन। पिएसजीको पटक पटकको आक्रमणमा रिम्सका गोलरक्षक बाधक बने।

यस हारसँगै पीएसजीले ७ खेलबाट १५ अंक जोडेको छ। आठौं स्थानको रिम्सको ७ खेलमा ११ अंक छ ।