लिभरपुलद्वारा चेल्सी पराजित 

काठमाडौं- इंग्लिस प्रिमियर लिग फुटबलमा लिभरपुलले चेल्सीलाई पराजित गरेको छ।

आइतबार राति चेल्सीको घरेलु मैदानमा भएको खेलमा लिभरपुलले उसैलाई २-१ गोलले पराजित गरेको हो। 

लिभरपुलको जितका लागि अलेक्जेण्डर अर्नोल्ड र रोबर्टो फिर्मिन्होने एक–एक गोल गरे। चेल्सीका लागि एन्टोनी कोन्टेले एक गोल फर्काएका थिए। खेलको १४ औं मिनेटमा अलेक्जेण्डर अर्नोल्डले फ्रिकिकमा गोल गर्दै लिभरपुल अग्रता दिलाए। ३० औं मिनेटमा रोबर्टो फिर्मिन्होले हेड गोलमार्फत गोल गर्दै पहिलो हाफमा लिभरपुलको अग्रता दोब्बर पारे। खेलको ७१ औं मिनेटमा एन्टोनी कोन्टेले गोल गर्दै चेल्सीलाई खेलमा फर्काउने कोशिश गरेका थिए। तर, चेल्सीले थप गोल गर्न नसक्दा घरेलुु टोली लिभरपुलसँग पराजित हुन पुग्यो। 

जितसँगै लिभरपुल तालिकाको शीर्ष स्थानमा यथावत छ। लिभरपुलले ६ खेलबाट १८ अंक जोड्दै दोस्रो स्थानको म्यान्चेस्टर सिटीभन्दा ५ अंकको अग्रता बनाएको छ। पराजित चेक्सीको समान खेलमा ८ अंकसहित तालिकाको ११ औं स्थानमा छ।