पौडी टोली भारत प्रस्थान 

काठमाडौं- नेपाली पौडी खेलाडी १० औं एसियाली उमेर समूह पौडी प्रतियोगितामा सहभागि हुन भारत प्रस्थान गरेको छ।

नेपालमा हुने १३ औं दक्षिण एसियाली खेलकुद (साग) को तयारीमा रहेको नेपाली पौडी टोली त्यसतर्फ प्रस्थान गरेको हो।

प्रतियोगिता भारतको बेङ्गालुरुमा सेप्टेम्बर २४ देखि अक्टोबर २ तारिखसम्म हुने छ।

नेपाली खेलाडीमा अनुभव सुब्बा, विकास कुमाल, दिपाङकर अवाले, गौरव लामा, सागर नायक, तेन्जिङ गुरुङ, नासिर हुसैन, उर्गेन महर्जन, जेविस पौडेल, शुभम् श्रेष्ठ, वेदज्ञराज जोशी, एर्भिन श्रेष्ठ, आदर्श कार्की र मोहित शाक्य रहेका छन्।

त्यस्तै सोफिया शाह, टीसा शाक्य, अदिप्शा वैद्य, अनुष्का पोखरेल, युस्का महर्जन, अनुसिया तण्डुकार, श्रेवी महर्जन, उपास्ती महर्जन, दिया स्थापित, आज्मी शेरचन, डुवाना लामा, शिक्षा श्रेष्ठ, लुमना शाक्य र समिरा शोभा थापा रहेका छन्।

टोली नेतामा नेपाल पौडी संघका अध्यक्ष अशोक बज्राचार्य, व्यवस्थापकमा सागर शाक्य र दीपकसागर सिंह, प्रशिक्षकमा रत्नलाल महर्जन र नयना शाक्य, निर्णायकमा विजेन श्रेष्ठ, योगेन्द्रमान श्रेष्ठ, वैकुण्ठ प्रधान र विष्णु खड्का छन्।