मलेसियामा कमललाई रजत

काठमाडौं- मलेसियामा सम्पन्न पाँचौ विश्व गोजुरियो कराँते डो च्याम्पियनसिपमा कमल ओलीले रजत पदक जितेका छन्। 

उनले गोजुरियो कराँते डोको अफिसियल प्रतियोगिता नेपालका लागि पहिलो पदक दिलाएका हुन्।

कमलले ६० केजी तौल समूह अन्तर्गत भएको प्रतिस्पर्धाको पहिलो चरणमा चाइनिज ताइपेका खेलाडीलाई पराजित गरेका थिए भने दोस्रो भारतलाई पराजित गर्दा सेमिफनइल प्रवेश गरेका थिए।

सेमिफाइनल फ्रान्सका खेलाडीलाई पराजित गर्दै उनी फाइनल पुगेका थिए। तर, फाइनलमा रोमानियाका खेलाडीसँग झिनो अन्तरमा पराजित हुँदै नेपाललाई पहिलो रजत पदक दिलाएका हुन्।

उक्त पदक गोजुरियो कराँतेको इतिहासमै नेपालले प्राप्त गरेको सबै भन्दा ठूलो पदक भएको अन्तर्राष्ट्रिय रेफ्री प्रकाश चन्दको दाबी छ।

कमलले नेपालगञ्जमा सम्पन्न आठौं राष्ट्रिय खेलकुद प्रतियोगितामा समेत आफ्नो चुनौती प्रस्तुत गरेका थिए।