लिटिल एन्जल्स च्याम्पियन 

काठमाडौं- लिटिल एन्जल्स स्कुलले मणिविक्रम शाह स्मृति अन्तर विद्यालय फुटसल प्रतियोगिताको उपाधि जितेको छ। 

आइतबार भएको फाइनल खेलमा लिटिल एन्जल्सले माउण्ट ग्लोरी स्कुललाई ४–२ गोलले पराजित गर्दै च्याम्पियन बनेको हो।

लिटिल एन्जल्सको जितमा सिद्धान्त ढाकुरले २ गोल गर्दा मुनाल थापा र विकास पुनले एक-एक गोल गरे। 

माउण्ट ग्लोरीका लागि एलेक्स पौडेल र संजय लामाले समान एक-एक गोल फर्काए। उपाधि बिजेता टिमले २५ हजार र उपबिजेता टिमले १५ हजार नगद प्राप्त गरे।

प्रतियोगिताको सर्वोकृष्ट खेलाडी लिटिल एन्जल्सका विशम पुन बने। त्यस्तै उत्कृष्ट गोलरक्षकमा लिटिल एन्जल्सकै आकाश राई र प्रतियोगितामा ९ गोल गरेका सिद्धान्त ढाकुर सर्वाधिक गोल कर्ता बने।