साविक विजेता म्यानचेस्टर सिटी पराजित

एजेन्सी- इंग्लिस प्रिमियर लिग फुटबलमा साविक विजेता म्यानचेस्टर सिटी पराजित भएको छ। शनिबार राति भएको खेलमा म्यानचेस्टर नर्विच सिटीसँग ३-२ गोलले पराजित भएको हो।

घरेलु मैदानमा नर्विचलाई जित दिलाउन केनी म्याकलिन, टोड क्यान्टवेल र टेमु पुकीले १-१ गोल गरे। म्यानचेस्टरका सर्जियो अग्युरो र रोड्रीगोले १-१ गोल फर्काए। 

खेलको १८ औं मिनेटमा म्याकलिनले गोल गर्दै नर्विचलाई अग्रता दिलाएका थिए। २८ औं मिनेटमा क्यान्टवेलले गोल गर्दा घरेलु टोली २-० ले अघि रह्यो। तर, पहिलो हाफको अन्तिम मिनेटमा अग्युरोले गोल गर्दै म्यानचेस्टरलाई २-१ को स्थितिमा ल्याए। खेलको ५० औं मिनेटमा पुकीले गोल गर्दै नर्विचलाई ३-१ को अग्रता दिलाए। त्यसपछि खेलको ८८ औं मिनेटमा रोड्रिगोले गोल गरे पनि म्यानचेस्टर ३-२ ले पराजित भयो।

म्यानचेस्टरको लिगमा यो सिजनको पहिलो हार हो।

म्यानचेस्टर अंकतालिकामा दोस्रो स्थानमा छ। उसले ५ खेलबाट १० अंक जोडेको छ।

नर्विचको यो दोस्रो जित हो। नर्विचको ५ खेलबाट ६ अंक रहेको छ।