नादेझ्दा कप : पहिलो हाफमा नेपाल १-० ले पछि 

एजेन्सी- नेपाली राष्ट्रिय महिला फुटबल टोली किर्गीस्तानमा जारी नादेझ्दा कप फुटबल अन्तर्गत उज्वेकिस्तानविरुद्धको फाइनल खेलको पहिलो हाफमा १–० ले पछि परेको छ। 

खेलको ३९ औं मिनेटमा उज्वेकिस्तानले गोल गरेपछि नेपाल पहिलो हाफमा १-० ले गोलले पछि परेको हो। इतिहास रच्ने अवसर पाएको नेपाली टोलीले उपाधिका लागि दोस्रो हाफमा पुनरागमन गर्नु पर्नेछ। 

लिग चरण अन्तर्गतको आफ्नो दोस्रो खेलमा नेपाल उज्वेकिस्तानसँग २-० ले पराजित भएको थियो। नेपालले हालसम्म कुनै पनि अन्र्राष्ट्रिय प्रतियोगिताको उपाधि जित्न सकेको छैन।