प्रेम प्रस्ताव अस्वीकार गरेको भन्दै किशोरीमाथि एसिड प्रहार

पर्सा- प्रेम प्रस्ताव अस्विकार गरेको भन्दै  वीरगज महानगरपालिकाको छपकैया २ की एक किशोरीमाथि एसिड प्रहार भएको छ । 

१५ वर्षीया मुस्कान खातुनमाथि दुई जना युवाहरुले गाणेशमान चौक जाने गल्लिमा शुक्रबार (आज) बिहान एसिड प्रहार गरेको प्रहरीले जनाएको छ । 

किशोरीको एसिड प्रहारले शरिरको एक भाग पुर्ण रुपले जलेको प्रहरीले जनाएको छ ।

एसिड प्रहारबाट मुख, हात, छाती पाखुरामा गम्भीर घाउ भएको प्रहरी नायव उपरीक्षक अन्न्तराम शर्माले जानकारी दिए । गल्लीमा रहेका एक शैलुनमा बसेका दुई जना युवाले ति किशोरीमाथि एकाएक एसिड प्र हार गरेर भगेको प्रत्यदर्शीले बताएका छन् । 

घटनामा संलग्न छपकैया निवासी समसाद मियालाई प्रहरीले पक्राउ गरेको छ भने अर्का एक युवक माजिद मियालाई फरार रहेको प्रहरीले जनाएको छ । 

यसैबिच पर्सा निर्वाचन  क्षेत्र १ का सांसद प्रदिप यादवले घाईते छात्राको परिवारलाई नगद ५० हजार दिएका छन् । घाईते किशोरीलाई थप उपचारको लागी काठमाडौ ल्याइएकाे छ ।