पाकिस्तानी पप गायिका राबीले सर्पसँग खेल्दै मोदीलाई धम्की दिएको भिडियो भाइरल

पाकिस्तानी पप गायिका राबी पीरजादाले एउटा विचित्रको भिडियो सामाजिक सञ्जालमा पोष्ट गर्दै कश्मीरको विशेषाधिकार खोसेकामा उनीमाथि सर्प र गोही छोडेर मार्ने धम्की दिएकी छन् ।  

सञ्जालमा भाइरल भइरहेको यो भिडियो हेर्नेहरुले पीरजादालाई मजाकमा उडाएका छन् । 

 ५० सेकेन्डको भिडियो क्लिपमा सर्प र गोहीबाट घेरिएकी पीरजादाले आफूलाई कश्मीरी महिलाका रुपमा प्रस्तुत गरेकी छन् । त्यसपछि उनी भन्छिन्, “मोदी तिमीले कश्मीरका जनतालाई दुख दिइरहेका छौ । अब हेर मैले तिम्रा लागि कस्तो तयारी गरेकी छु । तिमी नरकमा जाऊ । यि मेरा साथीहरु (सर्प, गोही) ले तिम्रो भोज गर्नेछन् । 

त्यसपछि उनले सर्पलाई हातमा उचालेर कश्मीरको ‘न्यायका लागि’ गीत पनि गाएकी छन् । 

यस्तो धम्कीपूर्ण भिडियो देखेर पाकिस्तान र भारत दुवैतर्फका सामाजिक सञ्जाल प्रयोगकर्ता हाँसेका छन् । 
 

https://twitter.com/Rabipirzada/status/1168566741162778625?s=20