हेर्नुस् ऋषि पञ्चमीको रौनक

काठमाडौं - नेपाली नारीहरूले आज धुमधामसँग ऋषि पञ्चमी मनाउँदैछन्। भदौ शुक्ल पञ्चमीका दिन मनाइने यो पर्वमा सप्तऋषिको पूजा आराधना गरिन्छ। 

महिलाले आज बिहानै उठेर ३६५ दत्तिवनले दाँत माझ्ने, गाईको गोबर, माटो र खरानी लगाई स्नान गरी त्यसपछि हरितालिका व्रत समापनका लागि गौदान, पूर्णपात्रलगायत काम गर्ने र त्यसपछि सप्तऋषिको पूजा गर्ने परम्परा छ ।  

हरितालिका तीजको व्रत एवं पूजाआजा महिला-पुरुष दुवैले गर्ने शास्त्रीय मान्यता रहे पनि ऋषि पञ्चमी भने महिलाका लागि मात्र गर्नुपर्ने शास्त्रीय वर्णन रहेको नेपाल पञ्चाङ्ग निर्णायक समितिले जनाएको छ । 

रजस्वलाका समयमा छोइछुईलगायत कुनै त्रुटि भएको भए आज ऋषिपञ्चमी पूजा गर्नाले त्यसबाट मुक्ति पाइने धार्मिक विश्वास छ । आजको दिन दत्तिउन, गाईको गोबर, माटो र खरानी प्रयोग गरी स्नान गरेर पञ्चगव्य सेवन गर्नाले छुवाछुतको दोष निवारण हुन्छ भन्ने शास्त्रीय मान्यता छ । 

यसैबीच काठमाडौंका शिव मन्दिरहरुमा पूजा गर्ने महिलाको भिड लागेको छ। काठमाडौंको कोटेश्वरस्थित महादेवस्थान र टेकुको ऋृशेश्वर महादेव मन्दिरका केही दृष्यहरु -
भिडियो : ऋृशेश्वर महादेव मन्दिर (दयासागर/नेपाल समय)



(तस्बिर : दयासागर र शिवराज/नेपाल समय)