पिएसजीको सहज जित

एजेन्सी- फ्रान्सेली लिग वानमा अन्तर्गत पेरिस सेन्ट जर्मेन (पिएसजी)ले मेट्जमाथी सहज जित निकालेको छ । शुक्रबार राती भएको खेलमा पिएसजीले मेट्जमाथी २-० को सहज जित निकालेको हो। 

आफ्ना मुख्य फरवार्डविना मैदान उत्रिएको पिएसजीका लागि एन्जल डी मारिया र एरिक म्याक्सिम चोपो मोटिङले एक एक गोल गरे । दुबै गोल खेलको पहिलो हाफमा भएका थिए । 

युवा स्टार केलियन एमबाप्पे र एडिन्सन काभानी चोटका कारण कम्तीमा तीन साता मैदान बाहिर रहने भएपछि पिएसजी मुख्य फरवार्डविनानै मैदान उत्रिएको थियो। त्यस्तै अर्का फरवार्ड नेयमार बार्सिलोनासंग अनुबन्धनको नजिक छन् । उनी सेप्टेम्बर २ अगाडीनै बार्सिलोना पुग्ने बताईएको छ ।

खेलको ११ औं मिनेटमा डी मारियाले पेनाल्टीका गोल गर्दै पाहुना टोली पिएसजीलाई अग्रता दिलाएका थिए । पहिलो हाफ सकिन दुई मिनेट बाँकी रहँदा एरिक म्याक्सिमले गोल गर्दै अग्रता दोब्बर पारे । त्यसपछि दुबै टोलीबाट कुनै गोल हुन नसक्दा खेल पिएसजीले २-० ले जित हात पारेको हो । 

यसजितसँगै पिएसजीले ४ खेलबाट ९ अंक जोड्दै अंक तालिकाको शीर्ष स्थानमा छ । पराजित मेट्जको ४ खेलबाट मात्र ४ अंक सहित तालिकाको १३ औं स्थानमा छ ।