अछाममा जिप दुर्घटना, २ को मृत्यु, ५ घाईते

धनगढी- अछामको मेल्लेख गाउँपालिकामा जिप दुर्घटना हुँदा दुई महिलाको ज्यान गएको छ। 

दुर्घटनामा परी पाच घाईते भएका छन्। मेल्लेख-७ नन्देगडामा भएको जिप दुर्घटनामा परि सोही वडाका कित्थि साउद र कौशी साउदको ज्यान गएको छ।

साँफेवगरबाट मेल्लेख गाउँपालिकाको कस्कोटको लागि छुटेको यात्रुवाहक जिप नन्देगडा बजार नजिकै दुर्घटना भएको हो वडा अध्यक्ष नरवहादुर साउदले जानकारी दिए।

से १ ज ९८६ नम्वर को जिप दुर्घटना हुँदा चालकसहित पाच यात्रु घाईते भएको प्रहरीले जानकारी दिएको छ।

जिप अन्दाजी सडक भन्दा एक सय ५० मिटर तल खसेको स्थानीय नृप बुढाले जानकारी दिए। 

उनका अनुसार घाइते हुनेमा जिप चालक नृप साउँद, सहचालक जनक साउँद र मनिषा उपाध्याय रहेको र अन्य दुईको नाम ठेगाना खुल्न सकेको छैन। 

घाईतेको प्राथमिक उपचारपछि थप उपचारका लागि बयलपाटा अस्पताल लगिएको छ।