सिटी र न्युकासल विजयी

एजेन्सी- इंग्लिस प्रिमियर लिग फुटबलमा साविकको विजेता म्यानचेस्टर सिटीले बर्नेमाउथलाई पराजित गरेको छ । आइतबार भएको खेलमा सिटीले बर्नेमाउथलाई ३-१ गोलले पराजित गरेको हो । 

पाहुना टोली सिटीको जितका लागि सर्जियो अग्युरोले दुई तथा रहिम स्ट्रर्लिङले एक गोल गरे । यता घरेलु टोलीका ह्यारी विलसनले एक गोल फर्काएका थिए ।

खेलको १३ औं मिनेटमा अग्युरोले गोल गर्दै सिटीलाई अग्रता दिलाए । पलिहो हाफ सकिन दुई मिनेट बाँकी रहँदा स्ट्रर्लिङले गोल गर्दै सिटीको अग्रता दोब्बर पारे । तर, पहिलो हाफको इन्जिुरी समयमा ह्यारीले गोल गर्दै घरेलु टोलीलाई खेलमा फर्काउने प्रयार गरे । 

पहिलो हाफमा २-१ ले अघी बढेको सिटीले दोस्रो हाफमा थप एक गोल गर्यो । खेलको ६४ औं मिनेटमा अग्युरोले व्यक्तिगत दोस्रो गोल गर्दै सिटीलाई ३-१ को जित दिलाए । 

जितसँगै सिटीले ३ खेलबाट ७ अंक जोडेको छ । सिटी लिगको दोस्रो स्थानमा रहेको छ । पराजित बर्नेमाउथको ३ खेलबाट ४ अक रहेको छ । 

त्यस्तै आइतबार राती नै भएको अर्को खेलमा टोटेनहम न्युकासल युनाईटेडसँग १-० गोलले पराजित भएको छ । न्युकासलको जितका लागि खेलको एक मात्र निर्णायक गोल जोलिनटनले गरे । 

उनले खेलको २७ औं मिनेटमा लाई जित दिलाए । यसजितसँगै न्युकासलले पहिलो जित निकालेको छ । न्युकासलले ३ खेलबाट ३ अंक जोडेको छ । पराजित टोटेनहमले ३ खेलबाट ४ अंक जोडेको छ ।
 
प्रिमियर लिग अन्तर्गत नै आइतबार वुल्भ्स र बर्नलीले १-१ गोलको बराबरी खेल्दै अंक बाडेका छन् ।