स्टार खेलाडी नहुँदा बार्सिलोनाको टोलीमा १६ वर्षीय युवा

एजेन्सी- स्टार खेलाडी चोटग्रस्त भएपछि बार्सिलोनाले युवा खेलाडी अन्सु फटीलाई पहिलो पटक सिनियर टोलीमा समावेश गरेको छ । १६ वर्षीय अन्सुलाई बुधबार प्रशिक्षणका लागि पहिलो पटक क्याम्प नाउमा बोलाइएको थियो । उनी आइतबार राती रियल बेटिसविरुद्ध खेल्ने टोलीमा समावेश भएका छन् । 

चोटले पिरोलेको बार्सिलोनाले स्टार खेलाडीको विकल्प खोजि रहँदा अन्सुको डेब्युले टोलीलाई केही राहात हुने अनुमान गरिएको छ । कप्तान लियोनल मेस्सी, लुइस स्वारेज र उस्माने डेम्बले चोटका कारण मैदान बाहिर भएपछि प्रशिक्षक भाल्भार्डेले अन्सुलाई एक विकल्पको रुपमा लिएको हो । 

पहिलो पटक सिनियर टोलीमा परेका उनी प्रशिक्षक एर्नेस्टो भाल्भार्डेको प्रशिक्षणमा आफुलाई प्रमाणित गर्नेमा क्लब आसावादी रहेको अन्तर्राष्ट्रि संचारमाध्यम मार्साले जनाएको छ । युवा लेफ्ट विंगर अन्सु यतिबेला बार्सिलोनाको युवा टोलीमा निकैनै लएमा देखिएका थिए । 

उनले गत सिजन जुभेनिल ‘ए’ टिममा प्रशिक्षक भिक्टर भल्डेससँग काम गरे । जहाँ उनी १५ गोल गर्दै सर्वाधिक गोल कर्ता समेत बनेका थिए । त्यसपछि उनी यसै प्रि–सिजनमा बार्सिलोनाको टिम ‘बी’ मा बढुवा भएका थिए ।

दक्षिण अफ्रीकाको गिनी बिसाउमा जन्मिएका अन्सु सन् २०१३ मा १० वर्षको हुँद बार्सिलोना पुगेका थिए । त्यसपछि उनले बार्सिलोनाका हरेक युवा टोलीका प्रशिक्षकसँग प्रशिक्षण लिए र आफुलाई उत्कृष्ट सावित गर्दै गए । यसै सिजन उनलाई युरोपका थुप्रै क्लबले फ्रेस अनुबन्धका लागि बार्सिलोनासँग प्रस्ताव समेत गरेको थियो । 

तर, बार्सिलोनाले उनको प्रस्तावलाई स्वीकारेन् । अन्सुले २०२२ सम्मका लागि बार्सिलोनासँग सम्झौता गरेका छन् । जब उनी १९ वर्षका पुग्नेछन् तब उनको मुल्य १०० मिलियन युरो हुने सम्झौतामा उल्लेख भएको बताइएको छ । अब उनले पहिलो पटक प्रशिक्षक भाल्भार्डेसँग प्रशिक्षण लिँदै सिनियर टोलीमा पहिलो अनुभब लिने छन् ।