लिभरपुलको जितमा सलाहाको दुई गोल

एजेन्सी- इजिप्टियन स्ट्राइकर मोहमद सलाहाको दुई गोलको मद्दतले इंग्लिस प्रिमियर लिग फुटबलमा लिभरपुलले लगातार तेस्रो जित निकालेको छ । शनिबार राती भएको खेलमा आर्सनललाई ३-१ गोलले पराजित गर्दा सलाहाले दुई गोल गरेका थिए । 
 
घरेलु मैदानमा लिभरपुलले पहिलो हाफमा १-० को अग्रता बनाएको थियो । पलिहो हाफ सकिन चार मिनेट बाँकी रहँदा जोएल माटिपले गोल गर्दै लिभरपुललाई अग्रता दिलाएका थिए । त्यसपछि दोस्रो हाफमा थप दाई गोल गर्ने क्रममा लिभरपुलले एक गोल खाएको थियो ।

४९ औं मिनेटमा सलाहाले पेनाल्टीमा गोल गर्दै लिभरपुलको अग्रता दोब्बर पारे । खेलको ५८ औं मिनेटमा सलाहाले व्यक्तिगत दोस्रो गोल गर्दै घरेलु टोलीलाई ३-० को अग्रता दिलाए । 

खेलको ८५ औं मिनेटमा आर्सनलका लुकास ट्रोरिराले एक गोल फर्काएपनि थप गोल गर्न नसक्दा सलभरपुल र्आसनलमाथी ३-१ ले विजयी भएको हो। 

यस जितसँगै लिभरपुलले ३ खेलबाट ९ अंक जोड्दै लिगको शीर्ष स्थानमा रहेको छ । आर्सनलको यो पहिलो हार हो ।  आर्सनलले ३ खेलबाट ६ अंक जोडेको छ । आर्सनल लिगको दोस्रो स्थानमा रहेको छ  ।