नेयमारका लागि बार्सिलोनाको अन्तिम प्रस्ताव

एजेन्सी- बार्सिलोनाले आफ्ना पूर्व खेलाडी नेयमार अनुबन्धका लागि पेरिस सेन्ट जर्मन (पिएसजी)लाई अन्तिम प्रस्तव गर्ने भएकोछ । अर्को स्पेनिस क्लब रियलल मड्रिडसँग कडा प्रतिस्पर्धा गर्दै बार्सिलोनाले पिएसजीलाई अन्तिम प्रस्ताव गर्न लागेको मिरोरले जनाएको छ । 

यतिबेला बार्सिलोना र रियल सेप्टेम्बर दुई तारिखमा बन्द हुने यस ट्रान्सफर विन्डोज पूर्व नेयमारलाई अनुबन्ध गर्न दौडधुप गरिरहेका छन् । यता पिएसजी बार्सिलोना भन्दा रियललाई बेच्न इच्छुक छ । 

यस प्राथमिकतालाई मध्यनजर गर्दै रियलले पनि आफ्नो प्रस्तावलाई अगाडी बढाएको छ । यसका लागि रियलले पनि आफ्नो एक प्रतिनिधिमण्डल पेरिस पठाएको छ । तर, बार्सिलोनाले अहिलेसम्म हार मानेको छैन् र पिएसजीलाई एक अन्तिम प्रस्ताव गर्दै छ । यहाँ यो दावा गरेको छ की आउँदो सोमबारसम्म बार्सिलोनाले फ्रान्सेली दिग्गजसँग खुल्ला चर्चा गर्नेछ ।

आर्थिक समस्यका कारण बार्सिलोना नेयमारका लागि खेलाडी र नगदसहितको प्रस्ताव गर्दै छ । तर, अहिलेसम्म कुन खेलाडीलाई दिने भन्ने खुलाएको छैन् । तर, पिएसजी खेलाडी र नगदको साँटो सोझै नगद मुल्य चाहन्छ । जहाँ पिएसजीले २५० मिलियन युरोको माग गरेको छ । 

मार्साका अनुसार रियलको आर्थिक अवस्था बार्सिलोना भन्दा राम्रो भएकाले नेयमार रियलमा अनुबन्ध हुन सक्ने बताइएको छ । जहाँ नेयमारका लागि रियलले प्रतिसाता तलब ९ सय हजार पाउण्डको प्रस्ताव तयार गरेको जनाएको छ । यदि नेयरमा रियलमा पुगे बार्सिलोनाका लागि एक ठुलो झट्का हुने छ ।