ला लिगामा हेरिने ५ नयाँ अनुहार

एजेन्सी- स्पेनिस ला लिगा सुरु भैसकेको छ । लिगमा सहभागी सबै २० टोलीले सुरुवाती एक एक खेल खेली सकेका छन् । यिनै सहभागी केही क्लबले केही स्टार र उदयमान खेलाडी आफ्नो क्लबमा अनुबन्ध समेत गरेका छन् । 

ति मध्य केही खेलाडीलाई अनुबन्ध गर्न क्लबले निकैनै संघर्ष समेत गरेका थिए । त्यसैले हरेक नयाँ सिजनमा दर्शक र समर्थकलाई समेत नयाँ अनुहारको प्रदर्शन हेर्न निकै उत्साह हुन्छ । 

सबैको नजर नयाँ खेलाडीमा विशेष हुने गर्दछ । त्यसैले हेरौ यस सिजनको ला लिगामा हेरीने नयाँ ५ खेलाडी ।

जोआओ फेलिक्स

युवा स्टार खेलाडी जोआओ फेलिक्सको अनुबन्धसँगै एथ्लेटिको मड्रिड एक बलियो टोलीको रुपमा उभिएको छ । उनलाई क्लबले आफ्नो इतिहासकै महंगो मुल्यमा पोर्चुजिग क्लब बेन्फिकाबाट अनुबन्ध गरेको हो । 

फेलिक्सका लागि एथ्लेटिकोले १२६ मिलियन युरो खर्च गरेको थियो । १९ वर्षीय फेलिक्सले युवा करियरमा नै आफ्नो छुट्टै प्रभाव छोडेका छन् । एथ्लेटिकोबाट स्ट्राइकर एन्टोनि ग्रिजमन बार्सिलोना गएसँगै उनी एथ्लेटिकोका स्टार खेलाडी बन्नेमा कुनै दुई ममत छैन्। किनकी उनले प्रि-सिजनमा नै एक प्रभावकारी प्रदर्शन गर्दै आफुलाई प्रमाणित गरी सकेका छन् ।

हाजार्ड

बेल्जियम स्टार इडेन हाजार्ड इंग्लिस प्रिमियर लिग क्लब चेल्सीबाट रियल मड्रिडमा पुगे । उनलाई अनुबन्ध गर्न रियलले निकै नै संघर्ष गर्नु परेको थियो । यता हाजार्डलाई पनि लिगामा आफुलाई प्रमाणित गर्नु पर्ने ठुलो चुनौती छ । 

उनीमाथी पछिल्लो सिजन खराव प्रदर्शनबाट गुज्रिएको रियललाई लयमा फर्काउनु पर्ने ठुलो जिम्मेबारी छ । तर उनी लिग सुरुहुनु पूर्व नै घाइते हुन पुगे र लिगको सुरुवाती खेल गुमाउन पुगे । 

उनी टोलीमा फर्किन केही समय लाग्ने छ । रियलमा फ्रान्सेली प्रशिक्षक जिनेदिन जिदानको प्रशिक्षण रहेर आफ्नो डेब्यु सिजनमा नै हाजार्डले उपाधि जित्न सक्ने पनि आसा गरिएको छ । 
 
ग्रिजमन

लामो समयको पर्खाइ पछि अन्ततः फ्रान्सेली फरवार्ड एन्टोनी ग्रिजमन क्याम्प नाउमा अनुबन्ध भए । उनलाई अब टिमको एक अट्याकिङ पोजिसनमा महत्वपूर्ण खेलाडी बन्ने ठुलो अवसर छ । 

उनले प्रि-सिजनका खेलमा उत्कृष्ट प्रदर्शन गरेका कारण क्याम्प नाउले भित्र्याउनुको सकारात्मक पक्ष दर्शाएका थिए । प्रि-सिजनमा उनले नेपोलीविरुद्ध डेब्यु् गोल गरेका थिए । 

तर, लिगको पहिलो खेलमा बार्सिलोना एथ्लेटिको बिल्बाउसँग १-० ले पराजति हुँद प्रशिक्षक भाल्भाडेले उनको आलोचना गरेका थिए । प्रशिक्षक भाल्भाडेले ग्रिजमनले धेरै सिक्नु पर्ने भएको भन्दै आलोचना गरेका थिए।

फेकर

फ्रेन्च लिग वान क्लब लियोनबाट रियल बेटिसले नाबिल फेकिरलाई अनुबन्ध गरेको छ । फ्रान्सेली स्ट्राइकरलाई बेटिसले अनुबन्ध गरेसँगै उनको चर्चा पूरै युरोप भर चुलिएको थियो । उनले क्लबमा लो सेल्सोको अभावलाई पुर्ति गर्ने आसा गरीएको छ। 

यतिमात्र हैनकी क्लबले उनीमाथी हरेक हप्ता महत्वपूर्ण गोल गर्नेमा पनि आसावादी देखिएको छ । फेकरले लियोनका लागि आफुलाई प्रमाणीत गरिदिएका छन् । तर, अब उनको पालो ला लिगामा बेटिसका लागि आफ्नो क्षमता देखाउने आएको छ । 

ओडेगार्ड

रियलका विंगर मार्टिन ओडेगार्डले रियलमा आफ्नो स्थान बनाउन सकेनन् । उनले रियलमा हुँदा यसअघि ला लिगाको एक खेल मात्र खेलको थिए । त्यसपछि २०१६-१७ को सिजनदेखी नेदरल्यान्डको क्लब हीरेनवीनमा लोनमा पुगेका उनी त्यहाँको दुई सिजन पछि पुनः २०१८-१९ को सिजनमा नेदरल्यान्डकै क्लब भिटेसमा पुगे । 

हाल उनी लोनमा नै ला लिगा क्लब रियल सोसिडाड पुगेका छन् । २० वर्षीय ओडेगार्डले आफु परिपक्को भएको प्रि-सिजनमा देखाइ सकेका छन्। र उनले ला लिगामा पनि आफु परिपक्को भएको प्रमाणित गर्नु पर्नेछ।