एकदिवसीय वरियतामा नेपाल एक स्थान तल झर्‍यो

काठमाडौं- आईसीसीले सार्वजनिक गरेको नयाँ एकदिवसीय वरियतामा नेपाल एक स्थान तल झरेको छ । यसअघि वरियताको १५ औं स्थानमा रहेको नेपाल एक स्थान तल झर्दै १६ औं स्थानमा पुगेको छ । 

ओमानले नेपालाई पछि पर्दै १५ औं स्थानमा उक्लिएको छ । ८ खेल खेलेको ओमानको २२ रेटिङ हुँदा समान खेलमा नेपालको १९ रेटिङ रहेको छ । त्यस्तै नेपाल भन्दा पछि १७ औं स्थानमा युएई र १८ औं स्थानमा पपुवा न्युगिनी रहेका छन् ।

एकदिवसीय वरियताको शीर्ष स्थानमा इंग्ल्याण्ड, दोस्रोमा भारत, तेस्रोमा न्युजिल्याण्ड, चौंथोमा अष्ट्रेलिया र पाँचौ स्थानमा दक्षिण अफ्रीका रहेका छन् । आईसीसी टी-ट्वान्टी वरियतामा भने नेपाल यथावत रहदै ११ औं स्थानमा रहेको छ । टी-ट्वान्टी वरियतामा नेपाल भन्दा तल दुई टेष्ट राष्ट्र जिम्बावे र आयरल्याण्ड रहेका छन् ।