गोलरक्षक नाभासले रियल छोड्दै

एजेन्सी- कोस्टा रिकाका गोलरक्षक केलोर नाभासले स्पेनिस ला लिगा क्लब रियल मड्रिड छोड्ने बताएका छन् । रियलले उनलाई दोस्रो रोजाईको गोलरक्षक बनाएको भन्दै रियल छोड्न चाहेको मार्साले बताएको छ । 

प्रशिक्षक जिनेदिन जिदानले यस सिजन थिवाउट कोर्टोजलाई पहिलो रोजाईको गोलरक्षक रहेको बताउँदै आएका छन् । त्यसपछि नाभासले रियल छोड्न चाहेको बताइएको छ । नाभासले क्लब छोड्न चाहेको रियललाई यसअघि नै थाहा थियो र उनी पेहिले देखी नै आफ्नो सक्भावित प्रतिस्थापन खोजी रहेको बताइएको छ । 

त्यसैले अुभवी गोलरक्षक नाभासले ट्रान्सफर विन्डोज बन्दहुनु भन्दा पहिले आफु क्लब छोड्न तयार रहेको बताएका छन् । गत सिजनको अन्त्य तिर नाभासलाई फ्रान्सेली लिग वान क्लब पेरिस सेन्ट जर्मन (पिएसजी) जान सक्ने बताइएको थियो । 

तर, उनको त्यो प्रयास सफल हुन सकेन् । हाल पिएसजीका गोलरक्षक बुफोन इटालियन सिरी ए क्लब युभेन्ट्स पुगे पछि फेरी उनीमाथी रुचि देखाएको हो । जिदानले उनलाई सिजनको अन्तिम खेलमा विदाई गरि दिएका थिए । तर, रियलले भने उनीबारे हालसम्म कुनै निर्णय लिन सकेको छैन् । 

नाभासले रियलमा रहेर एक एक ला लिगा र सुपर डे स्पानियाको उपाधि जित्दा दुई पटक युइएफए सुपर कप र समान चार चार पटक च्याम्पियन्स लिग र फिफा क्बल विश्वकपको उपाधि जित्न महत्त्वपूर्ण भूमिका खेलेका थिए। उनले गत सिजन ला लिगाका मात्र १० गरी सबै खाले २१ खेल खेलेका थिए ।