तनाव ग्रस्त खेलमा एथ्लेटिको विजयी

एजेन्सी- स्पेनिस ला लिगा फुटबल अन्तर्गत आइतबार राती भएको तलाव ग्रस्त खेलमा एथ्लेटिको गेटाफेसँग १-० ले विजयी भएको छ । एथ्लेटिकोको घरेलु मैदामा भएको खेलमा दुबै टोलीले रातो खाएको खेलका थिए । 

गेटाफेका लागि जर्ज मोलिनाले रातो कार्ड खादै मैदान बारिए पछि १० खेलाडीमा समेटिएको थियो । त्यस्तै एथ्लेटिकोका लागि रेनान लोडीले रातो कार्ड पाएपछि दुबै टोली पहिलो हाफमा नै १० खेलाडीमा समेटिएका थिए । 

घरेलु मैदान एथ्लेटिकोको जितका लागि अल्भारो मोराटाले खेलको एक मात्र निर्णायक गोल गरेका थिए  । उनले खेलको २३ औं मिनेटमा गोल गर्दै घरेलु टोलीलाई लिन दिलाए । 

त्यसपछि खेलको ३८ औं मिनेटमा गेटाफेका मोलिनाले रातो कार्ड पाउदा त्यसको चार मिनेट नबित्दै घरेलु टोलीका लोडीले दोहरो पहेलो कार्ड खादै मैदान छाडेका थिए । लोडीले एक मिनेटको अन्तरमा दुई पहेलो कार्ड खाएका थिए ।

खेलको ५६ औं मिनेटमा पाएको पेनाल्टीको अवसर मोराटाले गुमाएपछि एथ्लेटिकोले अग्रता दोब्बर गर्ने मौका गुमाएको थियो । यस जितसँगै एथ्लेटिकोले ३ अंक जोडेको छ ।

आईतबार रातिनै भएका अन्य खेलमा रियल भालाडोलिडले रियल बेटिसलाई २-१ ले पराजित गर्दा सेभिल्लाले स्प्यानियोललाई २-० र डिपोर्टिभो आल्भेसले लेभान्तेलाई १-० ले पराजित गरेको छ ।