दश खेलाडीमा समेटिएको रियलको विजयी सुरुवात 

एजेन्सी- दश खेलाडीमा समेटिएको रियल मड्रिडले स्पेनिस ला लिगा अन्तर्गत नयाँ सिजनको आफ्नो पहिलो खेलमा सुखद ससरुवात गरेको छ । शनिबार राति भएको खेलमा सेल्टा भिगोलाई ३-१ गोलले पवराजित गर्दै रियलले लिगमा सुखद सुरुवात गरेको हो ।

दश खेलाडीमा समेटिएको पाहुना टोली रियलको जितमा करिम बेन्जिमा, टोनि क्रुस र लुकास भास्क्वेजले एक एक गोल गरे । घरेलु टोली सेल्टाका लागि इकर लोसडाले एक गोल फर्काए  ।

खेलको १२ औं मिनेटमा बेन्जिमाले गोल गर्दै रियललाई अग्रता दिलाएका थिए । उनले ग्यनरेथ बेलमा क्रसमा वानटच गोल गर्दै पहिलो हाफमा पाहुना टोलीलाई १-० को अग्रता दिलाए । ५६ औं मिनेटमा लुका मोड्रिचले रातो कार्ड खाँदै मैदान बाहिरिए । 

सेल्टाका खेलाडीलाई ट्याकल गरेपछि मोड्रिचलाई रेफ्रीले रातो कार्ड देखाएका थिए । तर, त्यसपछि रियलले थप दुई गोल गर्दा एक गोल खायो । खेलको ६१ औं मिनेटमा क्रुसले गोल गर्दै रियलको अग्रता दोब्बर पारे । ८० औं मिनेटमा लुकासले गोल गर्दै रियलकाो अग्रता तेब्बर पारे ।

खेलको इन्जुरी समयमा घरेलु टोलीका लोसडाले एक गोल फर्काउँदै गेल अन्तर घटाउने प्रयास गरेका थिए । यस जितसँगै रियलले ३ अंकबाट सिजनको सुरुवात गरेको छ  । सेल्टाले भने हारबाट नयाँ सिजनको सुरुवात गरेको छ ।