प्रशिक्षक भाल्भार्डेले गरे ग्रिजमनको आलोचना

एजेन्सी- बार्सिलोनाका मुख्य प्रशिक्षक एर्नेस्टो भाल्भार्डेले आफ्ना नयाँ खेलाडी एन्टोजी ग्रिजमनको आलोचना गरेका छन् । नयाँ सिजन अन्तर्गत लिगको पहिलो खेलमा एथ्लेटिको बिल्बाओसँग १-० को झिनो अन्तरमा पराजित भएसँगै प्रशिक्षक भाल्भार्डेले ग्रिजमनको आलोचना गरेका हुन् । 

२८ वर्षीय ग्रिजमनले बार्सिलोनाका लागि ला लिगाको पहिलो खेल खेलेका थिए । उनलाई क्लबले १२० मिलियन युरोमा अर्को स्पेनिस क्लब एथ्लेटिको मड्रिडबाट अनुबन्ध गरेको थियो । ‘यदी उनी गोल क्षेत्रको नजिक छन् भने उनी निर्णायक छन् र राम्रो गतिमा अघि बढेका छन् । तर, त्यसो हुन सकेन र उनले खेलमा हाबी हुनु पर्दछ ।’ 

प्रशिक्षक भालभर्डेले भने, ‘उनलाई बायाँपट्टि राख्यौ । हामीलाई थाहा छ उनले गोलमा ध्यान केन्द्रित गर्ने पर्ने थियो । किनकी हामीसँग त्यस्ता खेलाडी छन् जसले खेललाई हाम्रो पक्षमा लिन सक्छन् ।’ उनले थपे, ‘ग्रिजमन यो विषयमा सचेत हुन सकुन की हामी सबै खेलाडीहरुबाट धेरै आसा राख्द छौ र अझै उनले खेलमा ध्यानदिन जरुरी छ ।’

उक्त खेलमा स्ट्राइकर लुइस सुआरेज चोटका कारण खेलको ३७ औं मिनेटमा मैदान बाहिरिएका थिए । उनको स्थानमा राफेल एल्कान्तारा मैदानमा प्रवेश गरेका थिए । बार्सिलोनाले पछिल्लो १० वर्ष यता पहिलो पटक आफ्नो स्टार खेलाडी लियोनल मेस्सीविना लिगको सुरुवात गरेका थिए ।

त्यस्तै सन् २०१४ मा लिभरपुलबाट बार्सिलोनामा आएदेखी हालसम्म सुआरेजले ला लिगा खेलको पहिलो हाफ अघिनै मैदान छोडेको यो पहिलो पटक हो ।