मेस्सीविनाको बार्सिलोनाले एथ्लेटिकोको सामना गर्दै 

एजेन्सी- स्पेनिस ला लिगा फुटबलको नयाँ सिजन आज (शुक्रबार)देखी सुरु भएसँगै पहिलो खेलमा  साविकको बिजेता बार्सिलोनाले एथ्लेटिको बिल्बाओको सामना गर्दै छ । बिल्बाओको घरेलु मैदानमा हुनेखेल नेपाली समय अनुसार राति १२:४५ बजे सुरु हुनेछ । 

बार्सिलोना लिगको पहिलो खेलबाट नै सुखद सुरुवात गर्ने योजनामा रहेको छ । आफ्नो नियमित कप्तान तथा स्टार खेलाडी लियोनल मेस्सीले विना मैदानमा उत्रिन लागेको बार्सिलोनालाई केही कठिन भन हुने छ । 

किनकि घरेलु टिम बोल्बाओ सिजनको पहिलो खेलमा बलियो टिम बार्सिलोनालाई स्तब्ध बनाउदै आफु पनि सबल रहेको संकेत देखाउने योजनामा हुनेछ । चर्चित अनुहारमा खेलाडी नभएपनि बिल्बाओ एक निकै नै सन्तुलित टिम हो । 

मेस्सी पछिल्लो साता प्रि-सिजनको खेल दौरान घाइते भएका थिए । अब बार्सिलोनाको अग्रपंक्ति लुइस स्वारेज, ओस्माने डेम्बेले र डेब्यु खेलाडी एन्टोनी ग्रिजम्यानले सम्हाल्ने छन् ।