प्रिमियर लिगको नयाँ सिजन आजदेखी सुरु

एजेन्सी- इंग्लिस प्रिमियर लिगको नयाँ सिजन आज (शुक्रबार)बाट सुरु हुदैछ । नयाँ सिजनको उद्घाटन खेलमा लिरभपुलले नवप्रवेशी क्लब नर्विच सिटीसँग खेल्दै छ । 

खेल लिभरपुलको घरेलु मैदान एनफिल्डमा नेपाली समय अनुसार राती १२:४५ बजे सुरु हुँदै छ । प्रिमियर लिगको उपाधि दाबेदारको रुपमा रहेको लिभरपुलले यसै सिजन प्रिमियर लिगमा बढुवा भएको नर्विचलाई पराजित गर्दै लिगमा सुखद सुरुवात गर्न चाहन्छ । 

शुक्रबार भने एक खेल मात्र हुने छ भने शनिबार छ खेल हुने छन । संसारमै सबैभन्दा धेरै समर्थक भएको प्रिमियर लिगले यस सिजनदेखी युरोपका अन्य लिगहरुमा जस्तै भिडियो असिस्टेन्ट रेफ्री (भार)को प्रयोग गर्ने भएको छ । यसै सिजनबाट प्रिमियर लिगमा कही नियम पनि परवर्तित हुँदै छन् ।