ललितपुरको नागदहमा नाग पुजा (फोटो/भिडियो)

ललितपुर - नाग पञ्चमीको अवसरमा देशभर नाग दह तथा नाग पोखरीहरुमा सोमबार पुजा अर्चन गरिएको छ। ललितपुर धापाखेलको नागदहमा पनि सोमबार ठूलो संख्यामा भक्तजनहरु उपस्थित भएर पूजा अर्चन गरेका छन्।
हिन्दु परम्पराअनुसार श्रावण शुक्ल पञ्चमीका दिन नागको मूर्ति, नागको वासस्थान, पोखरी, पानी भएको कुवा, इनारमा कपासको माला बनाई गाईको दूध, दही, अक्षता, फूल, दुबो, श्रीखण्ड चन्दन, सिन्दूरले पूजा गर्ने प्रचलन छ।

धापाखेलमा प्राचीनकालमा निर्माण भएको नागदहमा नागको बसोबास रहेको र उनीहरु मानव कल्याणका लागि क्रियाशील हुने गरेको जनविश्वास छ। नागपञ्चमीका दिन गरिने पूजाले नाग प्रशन्न भई मनोकांक्षा पूरा हुने तथा पारिवारिक सुख शान्ति कायम हुने मान्यतासहित पूजा अर्चन गरिन्छ।