प्रधानमन्त्रीको विदेश भ्रमण : उपचार खर्च निजी

काठमाडौं- प्रधानमन्त्री केपी शर्मा ओलीको उपचार निजी खर्चमा हुने सरकारका प्रवक्ताले जनाएका छन्।

आइतबार आयोजित पत्रकार सम्मेलनमा सरकारका प्रवक्ता एवं सञ्चार मन्त्री गोकुल बाँस्कोटाले प्रधानमन्त्री ओलीको उपचार निजी खर्चबाट हुने बताएका छन्।

प्रधानमन्त्री ओली उपचार तथा आरामका लागि विदेश पुगेका छन्।

प्रधानमन्त्रीको उपचार खर्चका विषयमा मन्त्री बास्कोटाले भने,‘प्लेनको खर्च, सरकारी संयन्त्रको खर्च सरकारले दिने हो। जाने टोलीको जाते आते खर्च सरकारले दिने हो। कर्मचारीको टिएडिए सरकारले दिने हो।’

‘प्रधानमन्त्रीसँगै परिवारजन पनि भएको छ। त्यसबेला परिवारको जरुरत पर्छ। उपचार खर्च स्वयम् आफ्नो व्यवस्थापनमा गर्नु हुन्छ।’ उनले भने।