भोजपुरमा वडाध्यक्षको निधन : प्रदेश १ ले ७ जनप्रतिनिधि गुमायो 

भोजपुरको पौवादुङमा गाउँपालिका  वडा नम्बर १ का अध्यक्ष रुद्र बहादुर पाण्डेको निधन भएको छ । 

७२ वर्षीय पाण्डेको आइतबार निधन भएको गाउँपालिका अध्यक्ष  किरण राईले जानकारी दिए । उनले भने- 'गाउँपालिकाको सबैभन्दा जेष्ठ सदस्यको निधनले हामी मर्माहत भएका  छौ।'

वडाध्यक्ष पाण्डेको निधन भएसँगै प्रदेश १ मा मृत्यु हुने जनप्रतिनिधिको संख्या ७ पुगेको छ। 

धरान उपमहानगर प्रमुख तारा सुब्बा, संखुवासभाको मकालु गाउँपालिका अध्यक्ष खड्ग बहादुर कट्वाल र पाँचथरको हिलिहाङ गाउँपालिका अध्यक्ष अमर बहादुर नेम्बाङको निधन भएको छ। 

यस्तैगरि, धरान उपमहानगरक्ल वडा ७, मोरङको धनपालथान गाउँपालिका वडा नम्बर २, पाँचथरको हिलिहाङ गाउँपालिका वडा ७ का वडा अध्यक्षहरुको पनि मृत्यु भएको छ।