नख्खु कारागारमा कैदीबन्दीबीच झडप, एकको मृत्यु

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं - ललितपुरको नख्खु कारागारमा दुई जना कैदीबन्दीबीच झडप हुँदा एक जनाको मृत्यु भएको छ। मृत्यु हुनेमा कर्तव्य ज्यान मुद्दामा जेलजीवन बिताइरहेका पूर्णबहादुर राजी रहेका छन्। राजीको मानसिक सन्तुलन ठिक नभएको प्रहरीले जनाएको छ।

शुक्रबार दिउँसो एकआपसमा विवाद हुँदा सोही उद्योगमा सजाय काटिरहेका पवनकुमार महतोले ब्लकले प्रहार गरि राजीवको हत्या गरेका हुन्। दुबै जना वाहिर बसेर घाम तापिरहेका थिए। उनीहरु एक अर्काको जुम्रा हेरिरहेका बेला एक्कासी झगडा भएको बताइएको छ। उनीहरुबीच एक्कासी के कुरामा विवाद भएको भन्ने बारे अनुसन्धान भैरहेको प्रहरीले बताएको छ।

महतोलाई ललितपुर प्रहरी परिसर, जावलाखेलले नियन्त्रणमा लिएर अनुसन्धान थालेको छ।

प्रकाशित: Dec 31, 2017| 18:23 आइतबार, पुस १६, २०७४