सहकारीको सन्दर्भ ब्याजदर तोकियो

काठमाडाैं-  सहकारी विभागले बचत तथा ऋणको सन्दर्भ ब्याजदर (रिफ्रेन्स ईन्ट्रेस्ट रेट) तोकेको छ।

विभागले यसै महिनादेखि लागू हुने गरी सहकारीकाे ब्याजदर १६ प्रतिशत तोकेको हो।

अब कुनै पनि सहकारीले १६ प्रतिशत भन्दा बढी ब्याज लिन नपाउने भएका छन् ।

सहकारी ऐन २०७४ को दफा ५१ तथा सहकारी नियमावली २०७५ को परिच्छेद ५ (२३) ले गरेको व्यवस्था बमोजिम सन्दर्भ ब्याजदर तोकिएको हो।

यसरी तोकिएको सन्दर्भ ब्याजदर सहकारी संस्थाका लागि निर्देशक ब्याजदरका रुपमा रहने प्रावधान ऐनमा रहेको छ।

सहकारी ऐनको दफा ५१ अनुसार विभागका रजिस्टारको संयोजकत्वमा गठन हुने ८ सदस्यिय समितिले सन्दर्भ ब्याजदर निर्धारणको कामलाई अन्तिम अवस्थामा पुर्याएको हो।