नेपालको विश्वकप खेल्ने सपना अधुरो 

काठमाडौं- नेपाली राष्ट्रिय क्रिकेट टोलीको आइसिसी टी-२० विश्वकप क्रिकेट खेल्ने सपना अधुरै रहेको छ । आइतबार भएको विश्वकप छनोट अन्तर्गत एसिया क्षेत्रिय छनोट फाइनलमा सिंगापुरसँग ८२ रनले पराजति भएसँगै नेपालको विश्वकप खेल्ने सपना अधुरै रहेको हो । 

सिंगा पुरले दिएको १९२ रनको विशाल लक्ष्य पछ्याएको नेपालले १५ ओभरमा सबै विकेट गुमाउँदै मात्र १०९ रन बनाउन सक्यो । नेपालका लागि उपकप्तान ज्ञानेन्द्र मल्ले सर्वाधिक ३९ रन बनाउन बाहेक अन्य ब्याट्सम्यानले जमेर खेल्न सकेनन् । उनले २१ बलमा ४ चौका र ३ छक्का प्रहार गर्दै ३९ रन जोडे पनि टोलीको जितका लागि प्रयाप्त हुन सकेन् । 

खराव सुरुवात गरेको नेपालले पहिलो विकेटको रुपमा १२ रनमा खेली रहेका कप्तान पारस खड्कालाई चौथो ओभरको पहिलो बलमा नै गुमाउन पुग्यो । दोस्रो विकेटको रुपमा मल्ललाई गुमाएपछि नेपालले एक पछि अर्को ब्यमट्सम्यान लगातार गुमाउन पुग्यो । यसक्रममा दिपेन्द्र सिंह ऐरीले २३ र सोमपाल कामीले ११ रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् । 

नेपाललाई सस्तैमा समेट्न सेल्लाडोरे विजयकुमारले सर्वाधिक चार विकेट लिए । उनले चार ओभर बलिङ गर्दै २५ रन खर्चेर चार विकेट लिएका हुन् । त्यस्तै विनोथ बस्करनले दुई तथा अनन्थ कृष्ण, अम्जाद मअबुब र जनक प्रकासले एक एक विकेट लिए । 

यसअघि टस जितेर पहिले ब्यटिङ गरेको सिंगापुरले निर्धारित २० अ‍ेभरमा ६ विकेट गुमाउँदै १ सय ९१ रन जोडेको थियो । सिंगापुकारका लागि टिम डेभिडले उत्कृष्ट ७७ रनको अर्धशतकीय पारी खेले पछि नेपालले विशाल लक्ष्य पाएको हो । 

डेभिडले मात्र ४३ बलमा ८ चौका र ३ छक्काको मद्दतमा ७७ रन जोडेका हुन् । उनले तेस्रो विकेटका लागि मनप्रीत सिंहसँग ६६ रनको साझेदारी गरे । विकेटकीपर ब्याट्सम्यान मनप्रीतले ४२ रन जोडे । उनले २७ बलमा ३ चौका र २ छक्का प्रहार गर्दै ४२ रन जोडको हुन् । 

टिमको १० रन पुग्दा पहिलो विकेटको रुपमा सुरेन्द्रन चन्द्रमोहनलाई गुमाएको सिंगापुरका लागि रोहन रंगराजन र डेभिडले उत्कृष्ट साझेदारी गरे । रंगराजन र डेभिडले दोस्रो विकेटका लागि ८९ रनको साझेदारी गरेका थिए । 

नेपालका लागि बसन्त रेग्मी र सन्दीप लामिछाने महंगा बलर साबित भए । बसन्तले चार ओभरमा विना कुनै विकेट ५४ रन खर्चदा सन्दीपले तीन ओभरमा विना कुनै विकेट ३४ रन खर्चे । अभिनास बोहराले चार ओभरमा ३५ रन खर्चर्द चार विकेट लिए । त्यस्तै करन केसीले दुई विकेट लिए ।