पारसको कीर्तिमान

काठमाडौं- नेपाली क्रिकेट राष्ट्रिय टोलीका कप्तान पारस खड्काले नयाँ कीर्तिमान बनाएका छन् ।  आइसिसी टी-२० विश्वकप एसिया क्षेत्रिय छनोट अन्तरर्गत सिंगापुरविरुद्धको खेल्द खेल्दै कप्तान पारले नयाँ कीर्तिमान बनाएका हुन् । 

उनले टी-२० अन्तर्राष्ट्रियमा नेपालका लागि पाँच सय रनको आँकडा पुरा गर्ने पहिलो खेलाडी बनेको छन् । कप्तान पारसले २० खेल खेल्दै पाँच  सय रनको आँकडा पुरा गरेका हुन् । यसघि उनलाई यो आँकडा पुरा गर्न मात्र ५ रनको आवस्यकता थियो । 

उनले १९ खेलमा १८ पारी खेल्दै यसअघि ४९५ रन जोडेका थिए । यो आँकडा पुरा गर्न पारसले तीन अर्धशतक बनाएका छन् । पारसका तीन अर्धशतक पनि नेपालका लागि सर्वाधिक हो । उनको टी-२० अन्तर्राष्ट्रियको एक पारीमा सर्वाधिक रन अविजित ८६ रहेको छ । उक्त रन पारसले मलेसियाविरुद्धको टी-२० सिरिजमा जोडेका थिए । 

सिंगापुरविरुद्ध ओपनर ब्याटिङ गर्न आएका कप्तान पारसले १२ रन जोडे । उनले १० बलमा १ चौका र १ छक्का प्रहार गर्दै १२ रन जोडेका हुन् । यससँगै उनकाे हाल टी-२० अन्तर्राष्ट्रियमा कुल ५ सय ७ रन पुगेको छ । 

पारसलाई शरद भेषावरले पछ्याइ रहेका छन् । शरदले १६ खेलमा ३०३ रन जोडेका छन् । उनेको सर्वाधिक स्कोर ४० रहेको छ । त्यस्तै तेस्रो स्थानमा उपकप्तान ज्ञानेन्द्र मल्ल रहेका छन् । ज्ञानेन्द्रले टी-२० अन्तर्राष्ट्रियका २० खेलमा २९५ रन जोडको छन् । 

उनको ५१ रनको एक अर्धशतक नै एकै पारीको सर्वाधिक स्कोर हो । उनी नेपालका लागि सबै भन्दा छिटो अर्धशतक बनाउने पहिलो खेलाडी हुन् । उनले यसै प्रतियोगितामा मलेसिुयाविरुद्ध आक्रमक ब्याटि गर्दै २० बलमा यो रेकर्ड बनाएका थिए ।