युनाइटेडको फराकिलो जित

एजेन्सी- प्रिमियर लिग क्लब म्यानचेस्टर युनाइटेडले अन्तर्राष्ट्रिय क्लब मैत्रिपूर्ण खेलमा फराकिलो जित निकालेको छ । बुधबार भएको मैत्रिपूर्ण खेलमा लिड्स युनाइटेडलाई ४-० गोलले पराजित गरेको हो । 

पहिलो हाफमा २-० ले अग्रता लिएको म्यानचेस्टरले दोस्रो हाफमा थप दुई गोल गर्यो । खेलको पहिलो हमाफमा मसोन ग्रीनवुड र मार्कुस रासफोर्डले एक एक गोल गरे । ग्रीनवुडले खेलको सातौं मिनेटमा गोल गर्दै अग्रता दिलाएका थिए। 

त्यस्तै २७ औं मिनेटमा रासफोर्डले गोल गर्दै पलिहो हाफमा अग्रता दोब्बर पारेका हुन् । दोस्रो हाफमा थप दुई गोल गर्ने क्रममा फिल जोनेस र एन्थोनी मार्टिएलले एक एक गोल गरे । फिलले ५१ औं मिनेटमा गोल गरेका हुन् । त्यस्तै मार्टिएलले ६९ औं मिनेटमा गोल गर्दै म्यानचेस्टर युनाइटेडलाई ४-० को फराकिलो जित दिलाए ।