पिएसजीको फराकिलो जितमा एमबाप्पेको दुई गोल

एजेन्सी- प्रि-सिजन अन्तरगत क्लब मैत्रिपूर्ण खेलमा फ्रान्सेली लिग वान क्लब पेरिस सेन्ट जर्मन (पिएसजी)ले फराकिलो जित निकालेको हो । प्रि-सिजन टूरको पहिलो खेलमा पिएसजीले जर्मन क्लब डायनामो ड्रेसडेनलाई ६-१ को फराकिलो अन्तरले पराजति गरेको हो । 

पिएसजीको जितका लागि केलिएन एमबाप्पेले दुई तथा जुलियन ड्रेक्सलर, आर्थर जाग्रे, वीरगिलु पोस्टोलाची र आदिल अछुतेले एक एक गोल गरे । डायनामाका लागि मौसा कोनले एक गोल फर्काए । 

खेलको छैठौं मिनेटमा एम्बाप्पेले गाल गर्दै पिएसजीलाई अग्रता दिलाए । त्यस्तै १८ औं मिनेटमा जुलियन ड्रेक्सलरले गोल गर्दै अग्रता दोब्बर पारे । ३४ औं मिनेटमा एम्बाप्पेले व्यक्तिगत दोस्रो गोल गर्दै पहिलो हाफमा पिएसजीलाई ३-० को अग्रता दिलाए । 

त्यसपछि दोस्रो हाफमा थप तीन गोल गर्दा एक गोल खान पुगेको थियो । ४८ औं मिनेटमा आर्थर जाग्रेले गोल गर्दा ६१ औं मिनेटमा वीरगिलु पोस्टोलाचीले गोल गर्दै पिएसजी ५-० ले अगाढी बढ्यो । 

त्यसपछि ७१ औं मिनेटमा आदिल अछुतेले गोल गर्दै खेल ६-० को स्थितीमा ल्याए । ७६ औं मिनेटमा डायनामो ड्रेसडेनका मौसा कोनले पेनाल्टीमा गोल गर्दै खेल ६-१ के स्थितिमा सकियो ।