को बन्दै छ भारतको प्रशिक्षक र कप्तान?

एजेन्सी- इंग्ल्यान्डमा सम्पन्न एकदिवसीय विश्वकप क्रिकेटको सेमिफाइनलबाट बाहिरिएको चर्चा नसेलाउँदै भारतीय मिडियामा फेरी आर्को चर्चा चलेको छ । यति बेला भने भारतीय क्रिकेट बोर्डमा नै प्रशिक्षक र कप्तानका लागि चर्चा चलेको छ। 

विश्वकप क्रिकेट रिव्युमा कप्तानको चर्चा गरिएको छ भने प्रशिक्षकका लागि बिसिसिआईले आवेदननै आहवान गरेको छ । यतिबेता भारतीय क्रिकेट टिमको कप्तानका लागि विराट कोहलीको स्थानमा उपकप्तान रोहित शर्माले भएका छन् । 

भारतीय मिडियाका अनुसार रोहितलाई एकदिवसीय क्रिकेटको कप्तानको रुपमा जिम्मा दिइने छ । त्यस्तै कोहलीले टेस्ट टिमको कप्तानी गर्ने बिसिसिआईका एक अधिकारीले जनाएको भारतीय मिडियाले जनाएको छ । 

अधिकारीका अनुसार एकदिवसीय क्रिकेट टोलीका लागि रोहित सहि बिकल्प भएको बताएका छन् । उनले विश्वकपको हार पछि सबै भन्दा ठुलो मुद्दा कोहली र रोहितकाबीच रहेको बताए ।  

त्यस्तै भारतीय क्रिकेट कन्ट्रोल बोर्डले पुरुष टोलीको नयाँ प्रशिक्षक नियुक्र गर्ने भएको छ । टोलीको नयाँ प्रशिक्षक नियुक्तीका लागि बिसिसिआईले इच्छुक उमेदवारी आहवान समत गरेको छ । 

विश्वकपबाट हार व्यहोरर्दै भारत फर्केको हालको टोलीको प्रशिक्षक रवि शास्त्रीको कार्यकाल वेस्टइनिडजसँगको सिरिुज पछि सकिने जनाएको छ । बिसिसिआईले नयाँ प्रशिक्षक, ब्याटिङ प्रशिक्षक, बलिङ प्रशिक्षक, फिल्डिङ प्रशिक्षक, फिजियोथेरेपिस्ट, शक्ति र कंन्डिश्निङ प्रशिक्षक र प्रशासनिक प्रबन्धकका लागि ३० जुलाईलाई अन्तिम मिति तोकी आवेदन सार्वजनिक गरेको छ ।