आर्सनलको फराकिलो जित

एजेन्सी- क्लब मैत्रिपूर्ण खेलमा इङ्लिस प्रिमियर लिग क्बल आर्सनलले फराकिलो जित निकालेको छ । मंगलबार बिहान भएको खेलमा कोलोराडोलाई ३-० को फराकिलो जित निकालेको हो । 

प्रि-सिजन खेलमा आर्सनलको जितका लागि बुकायो साका, जेम्स ओलायन्किा र गाब्रियल मार्टिनेल्लीले एक एक गोल गरे । पहलो हाफमा २-० को अग्रता बनाएको आर्सनलले दोस्रो हाफमा थप एक गोल गरेको थियो । 

खेलका १३ औं मिनेटमा बुकायोले गोल गर्दै आर्सनललाई अग्रता दिलाएका थिए । त्यसपछि २९ औं मिनेटमा जेम्सले गोल गर्दै आर्सनललाई पहिलो हाफमा २-० को अग्रता दिलाएका हुन् । दोस्रो हाफमा थप एक गोल गर्दा गाब्रियलले गोल गरेका हुन् । 

उनले ६१ औं मिनेटमा गोल गर्दै प्रि-सिजनको खेलमा ३-० को फराकिलो जित दिलाए । अब आर्सनलले इन्टरनेस्नल च्याम्पियन्स कप अन्तरगत बिहीबार बार्यनसँग खेल्दै छ । त्यस्तै २१ तारिख फेरेन्टीना र २४ तारिखमा स्पेनिस क्लब रियल मड्रिडसँग खेल्ने छ।