दाङमा खुकुरी प्रहारबाट एक जनाको मृत्य, ६ जना पक्राउ

 काठमाडौं- शनिबार दिउसो दाङ तुलसीपुर-११ रजवारा चोकको खाजाघरमा खुकुरी प्रहार गरि फरार रहेका ६ जनालाइ दाङ्ग प्रहरीले आइतबार पक्राउ गरेको छ।

तुल्सीपुर रजहरमा रुद्रबहादुर डाँगीले संचालन गरेको खाजा पसलमा खाजा खाईरहेका २२ वर्षीय रामबहादुर वलीलाई ३ वटा मोटरसाइकलमा आएका व्यक्तिहरुले खुकुरी प्रहार गरी भागेको थिए।

पक्राउ पर्नेमा तुलसीपुर–१८ का सौरभ मल्ल, शुभम् शर्मा, तेजेश पुनमगर, रमेश के.सी, अमृत वली र भरत शाही छन्।

उनीहरुलाइ प्रहरीले नर्सरीको जंगल डागीचौर खोलाबाट पक्राउ गरेको हो। घाइते रामबहादुर वलीलाई राप्ती प्रादेशिक अस्पताल तुलसीपुर दाङमा उपचार संभव नभएपछि भारतको लखनउ लैजाँदै आइतबार मृत्यु भएको छ।