कांग्रेस बैठक : के के विषयमा छलफल हुँदैछ ?

काठमाडौं : प्रमुख प्रतिपक्षी दल नेपाली कांग्रेसको केन्द्रीय समिति बैठक आइतबार पनि बसेको छ। 

बिहान ११ बजेदेखि जारी बैठकमा संशोधित विधानको नियमावली, अनुशासन, भातृ संगठन र महाधिवेशन तयारीबारे सदस्यहरुले बोलिरहेका छन्।

पछिल्लो पटक सुरु भएको केन्द्रीय समिति बैठकको तेस्रो दिन आइतबारको छलफल  नियमावली केन्द्रित हुने बताइएको  छ।बैठकमा सहभागी नेता रामकृष्ण यादवका अनुसार बैठकमा बोल्नेहरुले बाढी पहिरो प्रभावित क्षेत्रसहित राहत तथा उद्धारका विषयमा पनि छलफल भएको छ।

नेपाल समयसँग यादवले भने,‘केन्द्रीय समितिको एजेण्डाहरुसहित बाढी पहिरोको विषय अस्ती पनि उठेको थियो। आइतबार पनि त्यस विषयमा छलफल भइरहेको छ। मुलतः पार्टीको नियमावली, अनुशासन र भातृ संगठनको कुरामा बैठक केन्द्रीत रहेको छ।