सप्तकोशीमा पुनः २६ ढोका बन्द, सुनसरी जलमग्न

सुनसरी- शनिबार राति  सप्तकोशी नदिको ५६ वटै ढोका खोलिएकोमा आइतबार बिहान पुनः २६ वटा ढोका बन्द गरिएको छ ।

पानीको बहाव कम भएको भन्दै भारतीय पक्षले ३० वटा ढोका मात्रै खेलेको हो । 

५६ वटा ढोका खोले लगतै भारतीय पक्षले ढोका बन्द गर्न तिब्र दबाब दिएको थियो । स्थानीयका अनुसार भारतको दबाबकै कारण २६ वटा ढोका बन्द गरिएको हो । ३० वटा मात्रै ढोका खुलेपछि अहिले पुनः बाँध क्षेत्रमा पानीको दबाब बढेको छ । 

सुनसरीका प्रहरी प्रमुख एसपी यज्ञविनोद पोखरेलका अनुसार अहिले सप्कोशी पानीको बहाब २ लाख ६० हजार क्यूसेक छ । २ लाख ५० हजार क्यूसेकमाथि पुगेपछि बाँध क्षेत्रमा रातो बत्ति बाल्ने गरिन्छ । अहिले बाँध क्षेत्रमा रातो बत्ति बालिएको छ । 

बाँध क्षेत्रमा थुप्रिएको बालुवा हटाउन लागि ढोका खोलिएको थियो । अहिले पुनः ढोका बन्द गरिएसँगै सुनसरीका विभिन्न ठाउँ डुवानमा पर्न थालेका छन् ।