मुख्यमन्त्रीबाट पनि राजीनामा दिए शेरधनले

काठमाडौं– प्रदेश नम्बर १ का मुख्यमन्त्री शेरधन राईले राजीनामा दिएका छन्। प्रदेश प्रमुख सोमनाथ अधिकारी प्यासीसमक्ष राईले राजीनामा बुझाएका हुन्। 

आज बिहानमात्रै नेकपा एमाले प्रदेश १ संसदीय दलको नेताबाट राजीनामा दिएका राईले एमालेकै भीम आचार्यलाई मुख्यमन्त्री बनाउन मार्गप्रशस्त गरेका हुन्।  

राईले राजीनामा दिएसँगै आजै संसदीय दलको नेता चयन भएका भीम आचार्य मुख्यमन्त्री बन्दैछन्। ०७४ माघ २६ गते एमालेका ५१ सांसदमध्ये शेरधन आचार्यसँग २४ का विरुद्ध २६ मत ल्याएर संसदीय दलको नेता निर्वाचित भएका थिए।