सप्तकोशीको बहाव खतराको तहमा, २९ ढोका खोलियो

सुनसरी- सप्तकोशी नदीमा पानि बहाव बढेपछि कोशी ब्यारेजका २९ वटा ढोका खोलिएको छ।

पानीको बहाव खतराको तहमा पुगेपछि ५६ ढोकामध्ये २९ वटा ढोका खोलिएको जिल्ला प्रशासन कार्यालय सुनसरीले जनाएको छ।

पानीको बहावमा निरन्तर रुपमा बढेपछि ब्यारेजमा खतराको संकेत स्वरुप रातो बत्ती बालिएको छ। 

शुक्रबार साँझ ७ बजेको मापनअनुसार कोशीमा पानीको बहाव २ लाख १७  हजार ५१५ क्युसेक पुगेको छ।

कोशीमा पानीको बहाव १ लाख ५० हजार क्युसेक पुगेपछि रातो बत्ति बाल्ने र रातो झण्डा फहराउने गरिन्छ।

निरन्तरको वर्षापछि सप्तकोसी लगायत आसपासका साना खोलाहरुमा पनि पानीको बहाब बढेको छ।