कुलमानको नियुक्तिसम्बन्धी मिसिल झिकाउन सर्वोच्चको आदेश

सर्वोच्च अदालतले नेपाल विद्युत् प्राधिकरणको कार्यकारी निर्देशकमा कुलमान घिसिङको नियुक्तिविरुद्ध परेको रिटमा मिसिल झिकाउन आदेश दिएको छ।

नेपाल समय | मंगलबार, भदौ ८, २०७८

नेपाल समय

मंगलबार, भदौ ८, २०७८

कुलमानको नियुक्तिसम्बन्धी मिसिल झिकाउन सर्वोच्चको आदेश

काठमाडौं– सर्वोच्च अदालतले नेपाल विद्युत् प्राधिकरणको कार्यकारी निर्देशकमा कुलमान घिसिङको नियुक्तिविरुद्ध परेको रिटमा मिसिल झिकाउन आदेश दिएको छ।

प्रधानन्यायाधीश चोलेन्द्रशमशेर जबराको एकल इजलासले मंगलबार घिसिङको नियुक्तिसम्बन्धी कागजात झिकाउन आदेश दिएको हो।

सरकारले हितेन्द्रदेव शाक्यलाई उर्जा आयोगमा सरुवा गरी घिसिङलाई प्राधिकरणको कार्यकारी निर्देशक बनाएको थियो। उक्त निर्णयविरुद्ध शाक्यले सर्वोच्चमा रिट दायर गरेका थिए।

साउन २५ गते बसेको मन्त्रिपरिषद् बैठकले शाक्यलाई ऊर्जा आयोगको विज्ञको रूपमा नियक्ति गरेको थियो। त्यसप्रति असन्तुष्टि जनाउँदै उनी अदालत गएका हुन्। यसअघि उक्त रिट न्यायाधीश कुमार रेग्मीको इजलासमा परेको थियो। तर न्यायाधीश रेग्मीले उक्त दिन हेर्न नभ्याइनेमा राखेका थिए।

प्रकाशित: Aug 24, 2021| 15:57 मंगलबार, भदौ ८, २०७८