दिशाको हट तस्बिरले बुवालाई असहज

मुम्बई– बलिउड नायिका दिशा पाटनी आफ्ना हट तस्बिरका कारण बेला–बेला चर्चामा आउँछिन्। सामाजिक सञ्जालमा हट तस्बिर सेयर गर्ने उनी चर्चा बटुलिरहेकी हुन्छिन्।

हट तस्बिर सेयर गर्ने भएकै कारण उनको इन्स्टाग्राममा छोटो समयमै २१ लाखभन्दा बढी फलोर्स छन्। उनका त्यस्ता हट तस्बिरबारे बुवाआमाले गर्ने प्रतिक्रियाबारे दिशाले एउटा अन्तर्वार्तामा खुलासा गरेकी छन्।



उनले आफ्नो परिवार निकै समझदार भएको तर, बुवाले भने आफ्ना तस्बिरप्रति असन्तुष्टि व्यक्त गर्ने गरेको धारणा राखेकी थिइन्। जब उनी ह्वाट्सएपमा आफ्ना तस्बिर राख्छिन् तब उनका बुवालाई असहज महसुस हुन्छ।


दिशा एक अन्डरगार्मेन्ट कम्पनीमा एन्डार्समेन्ट गर्छिन्। बेला–बेलामा हट तस्बिरका कारण चर्चामा आउने दिशा सलमानको फिल्म ‘भारत’ मा देखिनेछिन्।