नवलपरासीमा सवारी दुर्घटना, तीनको मृत्यु

काठमाडौं - पूर्वपश्चिम रागमार्गअन्तर्गत नवलपरासीको देवचुली नगरपालीका–२, स्थित हमाल चोकमा बिहीबार दिउँसो बस र ट्रक ठोक्किँदा तीन जनाको मृत्यु भएको छ। ना४ख ५२९५ नंको बस र ना२ख ४८९० नंको ट्रक एक आपसमा ठक्कर खादा दुर्घटना भएको हो। दुर्घटनामा परी गैँडाकोट नगरपालिका–१४ की ६५ वर्षीया कुमारी सुनारी र सोही नगरपालिका १८ की ७० वर्षीया जमुना मापछन रहेका छन्। मृत्यु भएकी अर्की एक महिलाको भने परिचय खुल्न सकेको छैन।

दुर्घटनामा परी २२ जना घाइते भएका छन्। दुर्घटनामा परी घाइते भएका एक जनाको पुरानो मेडिकल कलेज भरतपुर, १२ जनाको मनकामना अस्पताल चितवन, आठ जनाको नयाँ मेडिकल कलेज भरतपुर र एक जनाको प्राथमिक स्वास्थ्य केन्द्र दुम्कौलीमा उपचार भइरहेको जिल्ला प्रहरी कार्यालय नवलपरासीले जानकारी दिएको छ।