चेल्सी युरोपा लिग च्याम्पियन

एजेन्सी- इन्ग्लिश क्लब चेल्सीले आफ्नो चिरपरचित क्लब आर्सनललाई पराजित गर्दै युइएफए युरोपा लिग फुटबलमा च्याम्पियन बनेको छ । बुधबार राति भएको फाइनल खेलमा चेल्सीले आर्सनललाई ४-१ गोलले पराजित गर्दै लिगको च्याम्पियन बनेको हो।  

चेल्सीको जितका लागि इडेन हजार्डले दुई तथा ओलिभर जेरुड र पेड्रो रोड्रीगेजले एक एक गोल गर्दा एलेक्स इओबीले एक गोल फर्काएका थिए । पहिलो हाफमा गोलरहित बराबरी खेलेको खेलको दोस्रो हाफमा खेलमा ५ वटै गोल सम्भव भएका थिए । खेलको ४९ औं मिनेटमा ओलिभरले गोल गर्दै चेल्सीलाई अग्रता दिलाए । 

त्यसपछि खेलको ६० औं मिनेटमा पेड्रो रोड्रीगेजले गोल गर्दै चेल्सीको अग्रता दोब्बर पारे । ६५ औं मिनेटमा हाजार्डले पेनाल्टीमा गोल गर्दै ३-० को अग्रता दिलाउँदा त्यसको ४ मिनेट नबित्दै आर्सनलका एलेक्सले गोल गर्दै टोलीलाई खेलमा फर्काउनले प्रयास गरेका थिए । तर, ७२ औं हाजार्डले चेल्सीका लागि व्यक्तिगत दोस्रो गोल गर्दै युरोपा लिग च्याम्पियन बनाए। 

चेलसीको जर्सीमा सम्भवत हाजार्डमो यो अन्तिम खेल हुने छ । चेलसीमा ७ वर्ष बिताएका उनी अर्को सिजन स्पेनिस क्लब रियल मड्रिडबाट ला लिगामा देखिने सम्भावना छ । यसजितसँगै चेल्सीले तेस्रो पटक युरोपा लिगको उपाधि हात जितेको छ । यसअघि सन् २०१२ र २०१३ मा चेल्सीले युरोपा लिगको उपाधि जितेको थियो ।