एन्जल्स् हार्ट पुरुष भलिबल भोली देखी

काठमाडौं- प्रथम राष्ट्रयब्यापी एन्जल्स् हार्ट अन्तर विद्यालय तथा कलेजस्तरिय पुरुष भलिबल प्रतियोगिता भोली (बुधबार)बाट सुरु हुने भएको छ । प्रतियोगितामा देशभरीका ६० विद्यालयको सहभागीता रहने आयोजक एन्जल्स् हार्टले एक कार्यक्रमकोअ आयोजना गर्दै जानकरी दिएको हो । 

प्रतियोगिता नेपाल भलिकल संघ, राष्ट्रिय परीष बोर्ड, प्याब्सन तथा एन प्याब्सन, नेपाल विद्यालय भलिबल कमिसन, तारकेश्वर नगर शिक्षा विभाग लगाएतको समन्वय तथा ढोरपाटन भलिबल क्लबको व्यवस्थापन र एन्जलस् हार्ट स्पोर्ट्स एकेडेमी एण्ड रिक्रिएशनको आयोजनामा हुन लागेको हो । जेठ १५ देखी २१ गतेसम्म चल्ने प्रतियोगिताको कुल अनुमानित लागक १८ लाख रहेको छ । 

लिग कम नकआउट पद्वतीमा खेलाईले प्रतियोगिताको विजेताले १ लाख रुपैयाँ प्राप्त गर्ने छ । त्यस्तै उपविजेताले ५० हजार, तेस्रो हुनेले २५ हजार र सान्त्वना पुरस्कार १५ हजार रहेको आयोजकले जानकारी दिए। 

व्यक्तिगत विधातर्फ प्रतियोगिताको उत्कृष्ट खेलाडीले एक थान मोटरसाइकल प्राप्त गर्ने छ । त्यस्तै वेष्ट स्पाइकर, वेष्ट लिफ्टर, वेष्ट सर्भर, वेष्ट ब्दलकर, वेष्ट डिफेन्स र वेष्ट कोचले समान ५-५ हजार प्राप्त गर्नेछन् ।